रामेछापको मन्थलीमा रहेको नवजागरण बचत तथा ऋण सहकारी संस्था सम्मानित भएको छ । बार्हौ राष्टिय कर दिवस २०८० को अबसर रामेछाप जिल्लाको बैंक तथा वित्तीय संस्था तर्फ आव २०७८र०७९ मा सबै भन्दा बढी आयकर दाखिला गर्ने संस्थाको रुपमा संस्था सम्मानित भएको हो ।
संस्थालाई सम्मान गर्ने करदाता सेवा कार्यालय मन्थली रामेछाप प्रति संस्थाले आभार प्रकट गरेको छ । संस्थालाई जिल्लाको अब्बल सहकारी बनाई दिने सम्पुर्ण शेयर सदस्यहरु एंब जिल्लाकै उत्कृष्ट सहकारी बनाउने अभियानमा लागेका संचालक समिति, लेखा समिति, उपसमिति र कर्मचारीहरु प्रति संस्थाले धनयवाद ज्ञापन गरेको छ ।
यस आर्थिक बर्षको कातिक मसान्तसम्म संस्थाको शेयर पुँजी ४ करोड ७६ लाख ५० हजार, जगेडा कोष ६ करोड ४० लाख ७९ हजार ,अन्य कोषहरु १ करोड ४३ लाख ५१ हजार बचत संकलन ५१ करोड ९८ लाख ७२ हजार र ऋण लगानी ३९ करोड २२ लाख ६२ हजार रहेको छ । संस्थाले प्रकाशित गरेको वित्तीय विवरण अनुसार कुल संस्थागत पुँजी ६ करोड ५५ लाख २१ हजार, तरलता रकम २ करोड ८६ लाख ४१ हजार र कुल सम्पत्ति ६८ करोड ३१ लाख २९ हजार रहेको छ । संस्थामा ९ हजार ५२२ जना सदस्य आवद्ध रहेका छन् ।
