सरकारले भूमि व्यवस्था, सहकारी तथा गरिबी निवारण मन्त्रालयको सचिवमा केदारनाथ शर्मालाई  नियुक्त गरेको छ । हिजो बसेको मन्त्रीपरिषद बैठकले शर्मालाई उक्त मन्त्रालयको सचिवमा नियुक्त गरेको हो । उनी कोशी प्रदेशका प्रमुख सचिव रहेका  थिए । 

प्रदेशबाट संघमा आउनेमा शर्मा सबैभन्दा सिनियर प्रमुख सचिव  हुन् । सहकारी मन्त्रालयका सचिव अर्जुनप्रसाद पोखरेल अवकाश भएपछि रिक्त रहेको भूमि सचिवको जिम्मेवारी शर्मालाई दिइएको हो ।

सचिव शर्माले सहकारी क्षेत्रको समस्यालाई संम्बोधन गर्न विशेष पहल गर्नुपर्ने देखिन्छ । यस अघि सरकारले अध्यादेश मार्फत सहकारी ऐन संशोधन गरिसकेको भए पनि त्यसको कार्यान्वयन अगाडि बढेको छैन । सहकारी ऐनको कार्यान्वयन र पीडित बचतकर्ताको बचत फिर्ताको लागि सचिव शर्माले भूमिका खेल्नुपर्ने अहिलेको आवश्यकता हो ।